Тады i заработку больш будзе - жнiво, сена, поле, поле! Будуць дзяўчаты, робячы, спяваць. I Юлька з iмi.
На дарогах - месячная вiдната. У хаце - чуваць тут, на дварэ - стары бацька калыша малога:
Будзем таго ката бiць
Аддай, каток, паясок.
Шумяць хвоi над полем.
У суседнiм агародзе нарабiлася за дзень. I цяпер гэтак добра даваць супакой рукам i слухаць вясну. Пахне зямля, вада, лес. Пахне бярвенне старых хат.
Далёка брэшуць сабакi.
Над полем пачынае iсцi вецер.
Стары - чуваць - тупае па хаце. Вiдаць - глядзiць у акно.
Iдзе вецер!
Белы i малады Юльчын твар глядзiць у вiднату вясновае ночы.
Вецер.
1928
